November 07, 2020 Abdullah Hashim Madni
*محدثین کے چہرے تروتازہ ہونے کی وجہ۔۔!!*
محدثین اس بات میں مشہور ہیں کہ انکی عمریں طویل ہوتی ہیں بلکہ ہر زمانے میں تجربے نے اس بات کی تصدیق کی ہے
اور حضور جان عالم صلی اللہ علیہ وسلم نے خود ان کیلئے رحمت اور شادابی و ترتازگی کی دعا فرمائی اور انہیں سب سے بڑی خوشخبری جنت کی بشارت سے نوازا
اور ان کے بارے میں یہ بھی کہا جاتا ہے کہ یہ حضرات سلامتی ومال کے اعتبار سے سب سے بڑھ کر ہیں اور رزق حلال انکے پاس وافر مقدار میں ہوتا ہے
انہیں کی برکت سے آفات و بلیات دور ہوتی ہیں اور قیامت کے دن سید الانبیاء محمد مصطفی صلی اللہ علیہ وسلم کے سب سے زیادہ قریب ہونگے ۔
ابو اسحاق ابراہیم بن عبدالقادر ریاحی تونسی نے فرمایا:
محدثین عظام کے چہرے حضور صلی اللہ علیہ وسلم کی دعا کی برکت سے تروتازہ ہوتے ہیں
جیسا حدیث مبارکہ میں ہے رسول اللہ صلی اللہ علیہ وسلم نے فرمایا:
نضراﷲ عبدًا سمع مقالتی فحفظہا ووعاھا واداھا
ﷲ تعالٰی اس بندے کو تروتازہ رکھے جس نے میری حدیث سن کر یاد کیا اور اسے دل میں جگہ دی،اور ٹھیک ٹھیک اوروں کو پہنچادی
حوالہ:
1: مسند احمد بن حنبل حدیث جبیر بن مطعم رضی اللہ عنہ المکتب الاسلامی بیروت
2: تعارف محدثین و کتب محدثین ص 69
*✍محمد ساجد مدنی*
4_11_20
