علماءِ سلف کے کچھ دلچسپ جوابات
*علماءِ سلف کے کچھ دلچسپ جوابات*
1- ایک شخص نے امام شعبی رحمۃ اللہ علیہ سے داڑھی پر مسح کرنے کا مسئلہ پوچھا.
تو انہوں نے فرمایا :
انگلیوں سے داڑھی کا خلال کر لو.
وہ شخص بولا :
مجھے اندیشہ ہے کہ داڑھی اس طرح نہیں بھیگے گی۔
تو امام شعبی رحمۃ اللہ علیہ نے جواب دیا :
پھر ایک کام کرو، رات کو ہی داڑھی پانی میں بِھگو دو.😂
*(المراح فی المزاح صفحہ 39)*
2- امام شعبی رحمۃ اللہ علیہ سے ہی ایک شخص نے پوچھا :
کیا حالت احرام میں انسان اپنے بدن کو کھجلا سکتا ہے ؟
انہوں نے فرمایا :
ہاں! کجھلا سکتا ہے۔
وہ شخص بولا :
کتنا کھجلا سکتا ہے ؟
تو امام شعبی رحمۃ اللہ علیہ نے جواب دیا :
جب تک ہڈی نظر نہ آنے لگے.😅
*(المراح فی المزاح)*
3- ایک آدمی نے قاضی ابو یوسف رحمۃ اللہ علیہ سے پوچھا :
پستے کا حلوہ زیادہ مزیدار ہوتا ہے یا بادام کا ؟
قاضی صاحب نے فوراً جواب دیا :
"معاملہ انصاف کا ہے اور میں فریقین کی عدم موجودگی میں فیصلہ نہیں کرسکتا، دونوں کو حاضر کیا جائے ، تو بتاؤں گا۔"
*(اسلام میں تصورِ مزاح، صفحہ 116)*
4- ایک شخص نے عمر بن قیس سے پوچھا :
اگر انسان کے کپڑے، جوتے اور پیشانی وغیرہ میں مسجد کی کچھ کنکریاں لگ جائیں تو وہ ان کا کیا کرے ؟
انہوں نے جواب دیا :
پھینک دے.
وہ شخص بولا :
لوگ کہتے ہیں وہ کنکریاں جب تک دوبارہ مسجد میں نہ پہنچائی جائیں، چیختی رہتی ہیں.
وہ بولے :
تو پھر انہیں اس وقت تک چیخنے دو، جب تک ان کا حلق پھٹ نہ جائے.
وہ شخص بولا :
سبحان اللہ! بھلا کنکریوں کا بھی کہیں حلق ہوتا ہے ؟
انہوں نے جواب دیا :
پھر بھلا وہ چیختی کہاں سے ہیں؟😬
*(العقد الفرید، جلد 2، صفحہ 92)*
5- ایوب کہتے ہیں :
میں نے ایک آدمی کو سنا وہ حضرت عکرمہ سے کہہ رہا تھا :
فلاں شخص نے خواب میں میرے اوپر زنا کی جھوٹی تہمت لگائی ہے.
حضرت عکرمہ بولے:
تو تم بھی اس کے سائے کو اسی (80) کوڑے مار لو.🤩😊
*(سیر اعلام النبلاء، جلد،5، صفحہ 19)*
6- اعمش کہتے ہیں کہ ایک شخص امام شعبی رحمۃ اللہ علیہ کے پاس آیا اور پوچھا :
ابلیس کی بیوی کا کیا نام ہے ؟
انہوں نے جواب دیا :
میں اس کی شادی میں شریک نہیں ہوا تھا.🤣
*(سیر اعلام النبلاء، جلد 4 صفحہ 314)*
7- ایک آدمی امام اعظم ابوحنیفہ نعمان بن ثابت رحمۃ اللہ علیہ کے پاس آیا اور پوچھا :
جب میں اپنے کپڑے اتار کر ندی میں غسل کرنے کے لیے جاؤں تو اپنا چہرہ قبلہ کی طرف رکھوں یا کسی اور طرف ؟
انہوں نے جواب دیا :
بہتر ہے کہ تم اپنا چہرہ کپڑے کی طرف رکھو تا کہ کوئی انہیں چرا نہ لے.😆😝
*(المراح فی المزاح، صفحہ 43)*
عربی سے ترجمہ
