استاد کا مقام اور اسکی اہمیت
.. استاد کا مقام اور اسکی اہمیت
-- استاد ہونا ایک بہت بڑی سعادت مندی ہے چنانچہ محبوب کاٸنات ﷺ ارشاد فرماتے ہیں ; لوگوں کو بھلاٸ سیکھانے والے پر اللہ پاک اور اسکے فرشتے ۔ آسمان اور زمین کی تمام مخلوقات یہاں تک کہ چونٹیاں اپنے بلوں میں اور مچھلیاں پانی میں رحمت بھیجتی اور دعاٸیں کرتی ہیں .
[ ترمذی شریف 2675 ]
-- خلیفہ ثانی حضرت عمر فاروق اساتذہ کو درس و تدریس کے ساتھ اعلی انتظامی امور اور عہدوں پر فاٸز کرتے تھے .
-- حضرت مغیرہ فرماتے ہیں : ہم استاد سے اتنا ڈرتے اور انکا اتنا ادب کرتے تھے جیسا کہ لوگ بادشاہ سے ڈرا کرتے ہیں .
-- امام ابو یوسف فرماتے ہیں ; جو استاد کی قدر نھیں کرتا وہ کامیاب نھیں ہوتا .
-- حضرت عبد اللہ بن عباس اساتذہ کے سامنے عجز و انکساری کرتے حتی کہ طلب علم کے لیے اساتذہ کے گھر مبارک کے باہر کھڑے رہتے اور گرد و غبار میں آلود ہوجاتے لیکن دروازے کو دستک نہ دیتے اور فرماتے میری وجہ سے اساتذہ کو کسی قسم کی پریشانی نہ ہو یہی ادب تھا جس نے حضرت عبد اللہ بن عباس کو امام المفسرین بنادیا ..
-- امام اعظم ابو حنیفہ اپنے اساتذہ کا اتنا ادب کرتے تھے کہ کبھی استاد کے گھر کی جانب پاٶں کرکے نھیں سوۓ .
-- کسی نے امام فخر الدین رازی سے پوچھا کہ علما و بادشاہ آپکی خوب عزت کرتے ہیں یہ مقام و مرتبہ آپنے کیسے حاصل کیا ؟ جواباً فرمایا ; میں نے تیس سال تک اپنے استاد ( امام ابو یزید دبوسی ) کی خدمت کی اور انکے لیے کھانا پکایا اور اس کھانے میں سے کبھی بھی نہ کھایا .
-- عربی مقولہ ہے : خیر الاشتغال تہذیب الاطفال یعنی بہترین مصروفیت و مشغلہ بچوں کی تربیت کرنا ہے .
[ مأخوذ تعلیم المتعلم فی طریق التعلم ]
-- اللہ پاک تمام ہی اساتذہ کے لیے دارین میں خیر کو مقدر فرمائے اور انکے لیے مقاصد صالحہ میں آنے والے موانع کو دور فرمائے __آمین
🖋️کتبہ : فیضان علم
