گلدستہ صراط الجنان
1 حضور صلی اللّٰہ علیہ وآلہ وسلم کو یا آپ کی کسی صفت کو گھٹیا چیز کے ساتھ تشبیہ دینا کفر ہے جیسے سرکار دوعالم صلی اللّٰہ علیہ وسلم کے علم مبارک کو معاذ اللہ کوئی جانوروں کے علم سے تشبیہ دے تو یقیناً ایسا شخص توہین کا مرتکب ہے
صراط الجنان ج5ص 472
2: اللہ تعالیٰ کی معرفت حاصل کرنے کے لئے اس کی قدرت کے نظاروں جیسے دریاؤں،پہاڑوں اور زمین کے دیگر عجائبات کی سیر کرنا عبادت ہے
(صراط الجنان٣٦٢/٧)
3: حضرت علی کرم اللہ وجہہ الکریم فرماتے ہیں
اپنے گھروں سے مکڑیوں کے جالے دور کرو کیونکہ انہیں(گھروں میں لگا ہوا) چھوڑ دینا ناداری (تنگ دستی) کا باعث ہوتا ہے.
(صراط الجنان٣٧٨/٧)
4 قرآن کریم نے تمام مجرمین کی سزائیں بیان فرمائیں، جن میں سے سب سے زیادہ سخت سزا حضور صلی اللّٰہ علیہ وآلہ وسلم کے گستاخ کی ہے
(صراط الجنان ٨٥٨/١٠)
5 حضور صلی اللّٰہ علیہ وآلہ وسلم کے گستاخوں کو اللہ تعالیٰ نے خود جواب دیا ہے بلکہ یوں کہ سکتے ہیں کہ دشمنان خدا کو جوابدہی سنت رسول ہے اور دشمنان رسول کو جواب دینا سنت الٰہیہ ہے
(صراط الجنان٨٥٧/١٠)
6 جو فرشتے انبیاء کرام علیہم السلام کی خدمت میں اللہ تعالیٰ کے پیغام لاتے ہیں وہ دیگر فرشتوں سے اعلی درجے والے ہیں
(صراط الجنان١٧٠/٨)
7: اللّٰہ تعالی کی قدرت کے دلائل جاننے کی نیت سے سائنس اور ریاضی کا علم حاصل کرنا عبادت ہے
(صراط الجنان٢٠٩/٩)
8: اکابرین (بزرگانِ دین) کی بارگاہ کا ادب کرنا بندے کو بلند درجات تک پہنچاتا ہے اور دنیا و آخرت کی سعادتوں سے نوازتا ہے۔
(صراط الجنان، ٤٠٩/٩)
9: حضرت ابو عبید رحمۃ اللہ علیہ فرمایا کرتے تھے:
میں نے کبھی بھی کسی استاد کے دروازے پر دستک نہیں دی بلکہ میں ان کا انتطار کرتا رہتا اور جب وہ خود تشریف لاتے تو میں ان سے استفادہ حاصل کرتا۔
(صراط الجنان، ٤٠٨/٩)
10 علماء کرام کی مجالس میں آواز بلند کرنا نا پسندیدہ ہے کیونکہ یہ انبیاء کرام علیہم السلام کے وارث ہیں۔
(صراط الجنان،٤٠٤/٩)
11: اللہ تعالیٰ کی وحدانیت کی گواہی دینا رسولِ اکرم صلی اللّٰہ علیہ وآلہ وسلم کی سنت ہے اور حضور اقدس صلی اللّٰہ علیہ وآلہ وسلم کی رسالت کی گواہی دینا اللہ تعالی کی سنت ہے اور کلمہ طیبہ میں دونوں سنتیں جمع ہیں۔
صراط الجنان،٣٨٤/٩)
12: بعض علماء فرماتے ہیں
اگر آج بھی مسلمان صحیح طریقے سے اسلامی احکام پر عمل کرکے اللہ تعالی کی رضا کے لیے جنگ کریں تو بدر و حُنین کے نظارے نظر آ سکتے ہیں.
(صراط الجنان، ٣٧٦/٩)
13 امام عبادات بدن کا تقویٰ ہیں اور حضور اقدس صلی اللہ علیہ وسلم کا ادب دل کا تقویٰ ہے۔
(صراط الجنان، ٤٠٥/٩)
14: تقوی اور شرم و حیا عورت کا بہت بڑا کمال ہے
پردہ اللہ تعالی کی وہ نعمت ہے جو جنت میں بھی ہوگی
اجنبی عورت کا متقی پرہیز گار سے بھی پردہ ہے کیونکہ جنت میں سب متقی ہوں گے مگر ان سے بھی پردہ ہوگا
(صراط الجنان 659/9)
15: اچھی عادت اچھی صورت سے افضل ہے لہذا نکاح کے لئےکسی عورت کا رشتہ دیکھتے وقت اس کے حسن و جمال کے مقابلے میں اس کی اچھی سیرت،کردار، اخلاق اور دینداری کو ترجیح دیں۔
(صراط الجنان٦٦٥/٩)
تحریر:
محمد ساجد مدنی
30 جون 2021، بروز بدھ
